Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

‘ദ് ഡിപ്പെന്‍ഡന്‍സ്’ സ്വിച്ച് ഓണ്‍ നിര്‍വഹിച്ചു

switch-on ദ് ഡിപ്പെന്‍ഡന്‍സ്’ ചിത്രത്തിന്റെ സ്വിച്ച് ഓണ്‍ ക്വീൻസ്‌ലാൻഡ് ബനാന ഷെയര്‍ മേയര്‍ നെവ് ജി. ഫെറിയര്‍ നിര്‍വഹിക്കുന്നു.

ബ്രിസ്‌ബെയ്ന്‍ ∙ ക്വീൻസ്‌ലാൻഡ് സര്‍ക്കാരിന്റെ സഹകരണത്തോടെ ഇന്ത്യന്‍ സംവിധായകനായ ജോയ് കെ.മാത്യു നിര്‍മിക്കുന്ന സന്ദേശ ചലച്ചിത്രമായ 'ദ് ഡിപ്പെന്‍ഡന്‍സി'ന്റെ ചിത്രീകരണത്തിന്റെ സ്വിച്ച് ഓണ്‍ കര്‍മം നിര്‍വഹിച്ചു. ക്വീൻസ്‌ലാൻഡ് ബനാന ഷെയര്‍ മേയര്‍ നെവ് ജി ഫെറിയറാണ് ചിത്രത്തിന്റെ സ്വിച്ച് ഓണ്‍ നിര്‍വഹിച്ചത്. ചടങ്ങില്‍ പ്രൊഡക്ഷന്‍ കണ്‍ട്രോളര്‍ ടി.ലാസര്‍ ചിത്രത്തിന്റെ പോസ്റ്റര്‍ മേയറിന് നല്‍കി പ്രകാശനം ചെയ്തു. 

ക്വീൻസ്‌ലാൻഡ് സര്‍ക്കാരിനെ കൂടാതെ ആര്‍.എ.ഡി.എഫിന്റെയും ബനാനാ ഷെയര്‍ കൗണ്‍സിലിന്റേയും സഹകരണത്തോടെയാണ് ചിത്രം നിര്‍മിക്കുന്നത്. നടനും എഴുത്തുകാരനും കൂടിയായ ജോയ്.കെ.മാത്യുവിന്റെ സന്ദേശ ചലച്ചിത്ര നിര്‍മാണ കമ്പനിയായ വേള്‍ഡ് മദര്‍ വിഷന്റേയും കംഗാരു വിഷന്റേയും ബാനറിലാണ് ഇംഗ്ലീഷ് ചിത്രമായ 'ദി ഡിപ്പന്‍ഡന്‍സ്' പുറത്തിറങ്ങുന്നത്. 

ജോയ് കെ. മാത്യു കഥയും തിരക്കഥയും ഒരുക്കി സംവിധാനം ചെയ്യുന്ന ചിത്രത്തില്‍ ഇന്ത്യ, ഓസ്‌ട്രേലിയ, അമേരിക്ക, ഫിലിപ്പീൻസ്, ബെല്‍ജിയം, ചൈന, മാള്‍ട്ട, വിയറ്റ്‌നാം, നെതര്‍ലാന്‍ഡ് എന്നിവിടങ്ങളിലെ സിനിമാ മേഖലയിലെ സാങ്കേതിക വിദഗ്ധരും അഭിനേതാക്കളും അണിയറ പ്രവര്‍ത്തകരുമാണുള്ളത്. ക്വീൻസ്‌ലാൻഡിന്റെ വിവിധ പ്രദേശങ്ങളിലായി ചിത്രീകരണം ആരംഭിച്ചു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.